✅🎬Хүүхдийг үе тэнгийн дарамт дээрэлхэл, гадуурхалт, цахим орчинд үйлдэгдэж буй гэмт хэрэг зөрчлийн холбогдогч, хохирогч болох, аливаа төрлийн хүчирхийлэлд өртөхөөс урьдчилан сэргийлэх, хамгаалах, эцэг, эх, асран хамгаалагч, багш сурган хүмүүжүүлэгч, иргэд, олон нийтийн мэдлэг, ойлголтыг нэмэгдүүлэх, нийгмийн сүлжээний зөв зохистой хэрэглээг бий болгох зорилгоор "Цахим орчин ба хүүхэд хамгаалал” видео, контентын уралдаан зарлаж байна. ☎Мэдээлэл авах утас: 88907376

📌Хүүхэд хамгааллын тухай хуулийн 27 дугаар зүйлийн 27.8 дах хэсэгт заасны дагуу Засгийн газрын хэрэгжүүлэгч агентлаг Хүүхэд, гэр бүлийн хөгжил, хамгааллын ерөнхий газар, Соёл урлагийн газар, Биеийн тамир, спортын улсын хорооны 2024 оны А/237, А/76 А/604 дугаар хамтарсан тушаалаар “Соёл, спортын үйл ажиллагаанд хүүхдийг оролцуулах, эрхийг хамгаалах журам”-ыг баталсан. Тус журмын 2 дугаар зүйлийн 2.1 дэх хэсэгт заасны дагуу журмын хэрэгжилтэд "Соёл урлагийн газар", "Биеийн тамир спортын Улсын хороо", "Хүүхэд гэр бүлийн, хөгжил хамгааллын ерөнхий газар" тэдгээрийн салбар нэгж байгууллага, албан тушаалтан, хяналтын улсын байцаагч, бүх шатны Засаг дарга хяналт тавихаар зохицуулагдсан.

✅Тус хэлтсээс 2025.04.11-ний өдөр хороодын хүүхэд, гэр бүлийн нийгмийн ажилтнуудад 7 хоног бүр явагддаг "Монгол бичиг"-ийн түвшин ахиулах сургалтыг зохион байгуулсан. ✅Хүүхэд, гэр бүлд үйлчилгээ үзүүлж буй нийгмийн ажилтнуудад хүүхэд хамгааллын үйлчилгээний санхүүжилтийн хүсэлт, норматив зардлын баримт бүрдүүлэлтэд хороод хариуцсан мэргэжилтнүүд арга зүй өгч, сар бүрийн тайланд хяналт тавьж ажилласан.